Amdanom ni

Elusen sy'n gweithio mewn partneriaeth ag ysgolion i annog cariad at ddysgu ymysg plant yw Prifysgol y Plant. Gwneir hyn drwy annog a dathlu cyfranogiad mewn gweithgareddau allgyrsiol yn yr ysgol a’r tu allan iddi.

Mae plant sy'n cymryd rhan ym Mhrifysgol y Plant yn cael cyfle i ddysgu mewn ystod gyfoethog o gyd-destunau, profi lleoedd newydd, ymweld â phrifysgolion a mynychu eu seremonïau graddio eu hunain.  Mae'r antur hon yn cyflwyno plant i'r llawenydd o ddysgu, yn dod ag ymdeimlad o ryfeddod yn y byd o'u cwmpas ac yn datblygu eu hyder a'u dyheadau ar gyfer y dyfodol disgleiriaf.

Mae Prifysgol y Plant yn rhaglen sydd o fudd i blant, ysgolion a sefydliadau partner mewn cymaint o ffyrdd. Mae'n ymwneud yn gadarnhaol â llawer o bynciau pwysig sydd ar yr agenda addysg genedlaethol ar hyn o bryd.

Rhwydwaith o ganolfannau sy'n rheoli eu gweithgareddau'n lleol yw Prifysgol y Plant. Mae'r canolfannau lleol hyn yn cael eu rhedeg gan strwythurau a phartneriaid sy'n bodoli eisoes megis colegau a phrifysgolion, Awdurdodau Lleol a grwpiau o ysgolion. Ymddiriedolaeth Prifysgol Plant yw'r elusen sydd wrth wraidd y rhwydwaith hwn, gan roi cymorth ac arweiniad strategol, a threfnu gweithgareddau codi arian a chyfathrebu.

Ymddiriedolaeth Prifysgol Plant yw'r elusen sydd wrth wraidd rhwydwaith Prifysgol y Plant. Fel elusen, mae Ymddiriedolaeth Prifysgol Plant yn atebol i'r Comisiwn Elusennau ac mae ein cyfrifon a'n manylion llywodraethu ar gael i'r cyhoedd eu gweld a'u lawrlwytho.

Mae model Prifysgol y Plant wedi'i drwyddedu i bartneriaid cyflenwi ledled Lloegr ond mae gennym hefyd Brifysgol y Plant sy'n gweithredu ledled y byd.