Mae Jackie yn Is-Ganghellor Prifysgol Newman, Birmingham, ar ôl bod yn Ddirprwy Is-Ganghellor (Mynediad a Dysgu Gydol Oes) ym Mhrifysgol Wolverhampton. Mae ei gyrfa wedi canolbwyntio'n helaeth ar ddysgu gydol oes a mynediad at AU felly mae bod yn rhan o Fwrdd Ymddiriedolwyr Prifysgol y Plant yn ffit naturiol.

Mae Jackie yn dod ag uwch brofiad helaeth i'r Bwrdd mewn amrywiaeth o Brifysgolion ac ymrwymiad i agor cyfleoedd i blant a phobl ifanc.

"Rwy'n falch o fod yn Ymddiriedolwr Prifysgol y Plant oherwydd fy mod i’n credu y dylai pob plentyn gael y cyfle i fynd cyn belled ag y bydd ei ddawn a'i waith caled yn caniatáu, waeth beth fo'i gefndir. Rwyf wedi gweld yr effaith y gall Prifysgol y Plant ei chael nid yn unig ar y plant, ond ar eu teuluoedd a'u cymunedau, ac mae'n fraint cael cymryd rhan."

Mae Peter yn Gyfrifydd Siartredig gyda gyrfa hir mewn amrywiaeth o sefydliadau, gan gynnwys Gwasg Prifysgol Rhydychen a Chymdeithas y Cyfreithwyr, ond a dreuliwyd yn bennaf yn y Gwasanaethau Ariannol, yn fwyaf diweddar fel Cyfarwyddwr Cyllid Cymdeithas Adeiladu Dudley.

Mae ei rolau wedi cwmpasu nifer o Swyddi Cyfarwyddwyr Cyllid yn ogystal â rolau’n ymwneud â’r Strategaeth Gorfforaethol a Chyllid Corfforaethol ac yn cynnwys arwain swyddogaethau Cymorth eraill, gan gynnwys Adnoddau Dynol, Risg a TG.

"Rwy’n frwd dros addysg a dros helpu pobl i gyflawni eu potensial. Rwy'n falch iawn o fod yn Ymddiriedolwr Prifysgol y Plant, sy’n sefydliad ac yn rhwydwaith sy'n ysbrydoli plant i ddysgu ac i fwynhau dysgu gydol oes."

Vicky yw Cyfarwyddwr Cynorthwyol Technoleg a Data Shelter. Mae wedi gweithio mewn rolau technoleg, data a digidol yn y sectorau cyhoeddus a dielw, gan arwain ar raglenni newid ar raddfa fawr, ffyrdd hyblyg o weithio, llywodraethu a newid diwylliant.

Mae Vicky yn frwd dros sut y gellir defnyddio digidol/technoleg a'r cyfleoedd y mae'n eu rhoi i ddangos effaith, gwella ffyrdd o weithio a chyrraedd buddiolwyr a chefnogwyr.

"Rwyf mor falch o fod yn ymddiriedolwr Prifysgol y Plant gan fy mod yn credu'n gryf y dylai plant a phobl ifanc gael mynediad at gyfleoedd sy'n helpu i ddatblygu cariad at ddysgu sy'n eu harwain i ffynnu a chyflawni eu potensial"

Mae Tania yn rheoleiddiwr yn yr Awdurdod Safonau Hysbysebu (ASH). Mae ganddi gefndir cyfreithiol, ar ôl gweithio mewn cyfraith Hawliau Dynol a Mewnfudo am ddwy flynedd, cyn cymhwyso ei phrofiad cyfreithiol mewn lleoliad rheoleiddio. Mae ei rôl yn yr ASH yn cynnwys cynnal ymchwiliadau pan fo posibilrwydd o dorri rheoliadau Hysbysebu a chyfrannu at waith traws-swyddogaethol i wella effaith polisi a rheoleiddio'r sefydliad.

Ar wahân i'w swydd bob dydd, Tania yw sylfaenydd, cynhyrchydd a cyflwynydd y podlediad Brown Don't Frown, sy'n tynnu sylw at brofiadau amrywiaeth eang o fenywod ac yn dod â safbwyntiau newydd. Fel cyflwynydd podlediadau hunan-addysgedig, mae'n dod â set sgiliau eang mewn technoleg ddigidol a marchnata gyda hi. Mae hefyd yn ysgrifennu yn ei blog www.taniasweeklydose.com ac yn y HuffPost, sy'n ymdrin â phynciau fel symudedd cymdeithasol, hunaniaeth ddiwylliannol a ffeministiaeth ryngadrannol.

Mae effaith gadarnhaol symudedd cymdeithasol ac addysg ar ei bywyd ei hun wedi ysgogi Tania i wirfoddoli ar gyfer achosion sy'n grymuso grwpiau ifanc a’r rhai sy’n agored i niwed.
"Fel Ymddiriedolwr Prifysgol y Plant, rwy'n teimlo'n hynod falch ac anrhydeddus o allu chwarae rhan mewn llunio strategaethau sy'n rhoi mwy o gyfleoedd i blant a phobl ifanc ac rwy'n cydnabod yr effaith wirioneddol y mae Prifysgol y Plant yn ei chael o ran helpu plant i wireddu eu potensial."

Mae Bina yn Bennaeth Partneriaethau Strategol (Ymchwil) yn Cancer Research UK. Mae ganddi radd feddygol ac mae hi wedi treulio ei gyrfa yn rhychwantu byd technoleg feddygol, ymchwil ac arloesi, ac yn gwella canlyniadau a phrofiad i gleifion.

Mae Bina’n frwd dros amrywiaeth a chynhwysiant ac mae wedi ymrwymo i hyrwyddo cyfleoedd addysgol, ar ôl gweld yn uniongyrchol effaith drawsnewidiol addysg eang.
"Rwy'n falch o fod yn Ymddiriedolwr Prifysgol y Plant oherwydd ei bod yn ffordd wych i blant ddod o hyd i'r ffordd i ddysgu gydol oes a'i mwynhau"

Mae Kate yn Fentor Rhanbarthol yn Ymddiriedolaeth Addysgu Gwyddoniaeth Gynradd (YAGG), lle mae'n hyrwyddo arfer gorau mewn gwyddoniaeth gynradd ar draws Gorllewin Canolbarth Lloegr ac mae'n rhan o Goleg Cymrodyr arloesol cenedlaethol yr Ymddiriedolaeth. Mae'n rhan o fwrdd Gorllewin Canolbarth Lloegr ar gyfer y Gymdeithas Addysg Wyddoniaeth, mae wedi ysgrifennu ar gyfer cylchgronau athrawon ac mae ar y bwrdd golygyddol ar gyfer Gwyddoniaeth Gynradd.

Cyn ymuno â'r YAGG, roedd Kate yn Bennaeth Cynorthwyol ysgol Gynradd Clifton yn Birmingham, lle roedd rhan o’i rôl yn cynnwys cyflwyno a chydlynu Prifysgol y Plant. Hefyd cyflwynodd Kate Brifysgol y Plant i ysgolion lleol eraill ac mae wedi cyflwyno mewn seremonïau graddio i ysbrydoli plant i anelu at fod y gorau y gallant fod a 'chyrraedd y sêr!' Mae'r profiad uniongyrchol hwn o weld effaith ein gwaith wedi ysbrydoli Kate i roi ei sgiliau proffesiynol helaeth a'i mewnwelediad i'w defnyddio ar y Bwrdd.

"Rwy'n falch o fod yn rhan o Brifysgol y Plant, gan fy mod wedi gweld drosof fy hun yr effaith y gall ei chael ar y plant eu hunain a'u teuluoedd; gan godi dyheadau ac ymwybyddiaeth o fyd gwych dysgu a gweithgareddau newydd!"

Mae Jan yn uwch arweinydd strategol gyda dros 30 mlynedd o brofiad o uwch reolwyr yn y sectorau AU a llyfrgelloedd ymchwil. Yn fwyaf diweddar, treuliodd Jan ddeng mlynedd ym Mhrifysgol Manceinion, a chyn hynny, roedd ganddi uwch rolau yn y Llyfrgell Brydeinig, Prifysgol Leeds, yr LSE, yn dilyn ystod o rolau o fewn y sector polytechnig a choleg blaenorol.

Mae Jan wedi gweithredu fel ymgynghorydd allanol i amrywiaeth o brifysgolion yn rhyngwladol, ac mae'n parhau i gymryd rhan, fel ymgynghorydd, yn natblygiad uwch arweinwyr AU yn Ewrop a Dubai. Gan dreulio ei bywyd yn y sector addysg, mae Jan yn frwd dros yr hyn y mae Prifysgol y Plant yn ceisio'i gyflawni.

"Rwy'n falch o fod yn Ymddiriedolwr Prifysgol y Plant oherwydd fy mod i am i blant gael yr holl gyfleoedd mewn bywyd y gall cymdeithas eu rhoi iddynt. Rwy'n credu y gall Prifysgol y Plant wneud cyfraniad sylweddol i hyn drwy ddatblygu cariad at ddysgu mewn plant o bob cefndir".